Cov lus nug txhua yam
Daim npav qhia txhaj tiv thaiv kab mob hauv tshuab hluav taws xob yog dab tsi?
Daim npav qhia kev txhaj tshuaj tiv thaiv kab mob hauv tshuab hluav taws xob zoo ib yam nkaus li koj daim npav qhia txhaj tiv thaiv kab mob. Nws muaj cov ntaub ntawv qhia paub zoo tib yam nkaus. Txawm li cas los xij, nws qhia rau pom txog koj cov ntaub ntawv txhaj tshuaj tiv thaiv kab mob raws li tus khauj lus zais QR (tus zauv ua hauj lwm ceev) ntawm koj lub xov tooj tshaj lij (smartphone). Cov ntaub ntawv no yog los ntawm Xeev Oregon li lab npauv kev txhaj tshuaj tiv thaiv kab mob. Thaum koj qhia koj tus khauj lus zais QR rau ib tus neeg twg, lawv tuaj yeem luam theej duab tau ntawm nws. Tom qab ntawd lawv tsuas pom cov nram qab no nkaus xwb:
- Koj lub npe
- Hnub yug
- Cov hnub tim txhaj tshuaj tiv thaiv kab mob, thiab
- Hom tshuaj tiv thaiv kab mob uas koj tau txais.
Tus khauj lus zais QR qhia rau pom raws li daim npav uas raug cai los ntawm lub xeev.
Qhov no puas yuav ua pov thawj tau rau kuv li txheej xwm kev txhaj tshuaj tiv thaiv kab mob?
Nws yog ib qho pov thawj ntawm kev txhaj tshuaj tiv thaiv Tus Kab Mob Khaus Viv-19 (COVID-19) uas koj tau txais hauv Xeev Oregon thaum lub sij hawm koj tau thov rau daim npav qhia kev txhaj tshuaj tiv thaiv kab mob hauv tshuab hluav taws xob. Nws yuav tsis teev muaj cov tshuaj tiv thaiv kab mob uas koj tau txais:
- Sab Nraud ntawm Xeev Oregon, los sis
- Tom qab uas koj thov rau daim npav qhia txhaj tiv thaiv kab mob hauv tshuab hluav taws xob lawm.
Nws yog ib qho ntawm ntau txoj hauv kev txhawm rau qhia koj li txheej xwm kev txhaj tshuaj tiv thaiv Tus Kab Mob Khaus Viv-19 (COVID-19). Koj tsis tas yuav tau txais daim npav qhia kev txhaj tshuaj tiv thaiv kab mob hauv tshuab hluav taws xob. Lub xeev tsis muaj cov kev npaj uas yuav yuam siv rau hauv lab npauv ntawv hla teb chaws.
Yuav ua li cas yog tias kuv xav hloov kuv daim npav qhia txog kev txhaj tshuaj tiv thaiv kab mob?
Daim npav qhia kev txhaj tshuaj tiv thaiv kab mob hauv tshuab hluav taws xob muab ib daim ntawv theej qauv teev qhia kev txhaj tshuaj tiv thaiv Tus Kab Mob Khaus Viv-19 (COVID-19) hauv tshuab hluav taws xob ntawm koj hauv Xeev Oregon. Yog koj tau txais koj daim npav qhia kev txhaj tshuaj tiv thaiv kab mob ua ntawv, koj tuaj yeem luam koj daim npav hauv tshuab hluav taws xob tawm los thiab muab nws siv tau. Yog tias koj ua koj daim npav qhia kev txhaj tshuaj tiv thaiv kab mob hauv tshuab hluav taws xob poob lawm, koj tuaj yeem rov tso npe nkag kom tau txais lwm daim los ntawm lab npauv no dua tshiab.
Nws siv sij hawm ntev npaum li cas rau lub lab npauv txuas los txuas qhov kev thov mus rau daim npav thiab xa tus link txuas tuaj?
Lub sij hawm feem ntau lawm koj yuav tsum tau txais lus teb raws kev xa email los sis kev sau ntawv tuaj nyob rau hauv ob peb feeb. Txawm li cas los xij, peb thov kom koj tos li 24 teev ua ntej rov sim dua los sis hu nrhiav kev pab. – Tuaj yeem muaj cov kev ncua sij hawm raws li qhov coob tsawg ntawm cov neeg uas sim nkag mus rau qhov lab npauv ntawd nyob rau tib lub sij hawm.
Kuv tau thov kom muab kuv daim npav qhia kev txhaj tshuaj tiv thaiv kab mob hauv tshuab hluav taws xob xa tuaj raws email los sis kev xa ntawv, es thaum twg nws thiaj li yuav tuaj txog?
Cov neeg thov ib daim ntawv theej qauv raws email yuav tsum tau txais daim ntawv ntawd nyob rau 24 teev. Yog tias nws twb tau 24 teev lawm thiab koj tsis tau txais tsab email ntawd li, thov tshawb xyuas hauv koj li kev rau ntawv pov tseg (junk mail folder) ua ntej koj thov ib daim tshiab.
Yog tias koj thov kom muab koj daim npav qhia ntawd xa tuaj raws kev xa ntawv rau koj, nws yuav tsum tuaj txog nyob rau hauv 2-3 lub lim piam.
Yog tias tseem muaj kev ncua koj daim npav qhia kev txhaj tshuaj tiv thaiv kab mob hauv tshuab hluav taws xob qeeb dua thiab no, thov tiv tauj rau Xeev Oregon Qhov Txheej Txheem Pab Cuam Ntsig Kev Txhaj Tshuaj Tiv Thaiv Kab Mob (Immunization Program) Lub Rooj Muab Kev Pab ntawm 800-980-9431.
Tsab ntawv twg uas kuv yuav tau txais los ntawm lab npauv npav qhia txhaj tiv thaiv kab mob hauv tshuab hluav taws xob?
Thaum koj thov rau daim npav qhia kev txhaj tshuaj tiv thaiv kab mob hauv tshuab hluav taws xob lawm, koj yuav tau txais lus teb rau koj lub xov tooj ntawm tes los sis tus email (nyob ntawm seb koj muab yam twg rau) nrog cov ntaub ntawv qhia paub hais txog txoj hauv kev los nkag cuag tau rau koj daim npav qhia kev txhaj tshuaj tiv thaiv kab mob hauv tshuab hluav taws xob. Yog hais tias koj muab ib tus nab npawb xov tooj ntawm tes tso nrog, ces txhais tau tias koj tso cai rau kom muaj kev xa tsab ntawv xov tooj thiab muaj cov kev teev qib nyob rau ib zaug thiab tej zaum yuav muaj cov nqi tsub los ntawm tus neeg muab txoj kev pab cuam tus nab npawb xov tooj ntawm tes ntawd rau koj them. Yog hais tias koj tsis xav kom tau txais cov kev xa tsab ntawv xov tooj no los ntawm peb, tsis txhob siv qhov kev pab cuam no.
Cov lus nug txog kev ntiag tug
Yuav muaj dab tsi tshwm sim rau kuv cov ntaub ntawv qhia paub tom qab kuv muab nws qhia tawm?
Koj daim npav qhia kev txhaj tshuaj tiv thaiv kab mob hauv tshuab hluav taws xob yuav qhia rau pom tib co ntaub ntawv qhia paub ib yam li koj daim npav qhia txog kev txhaj tshuaj tiv thaiv kab mob. Koj tuaj yeem nug cov neeg uas luam theej duab ntawm tus khauj lus zais QR tias:
- Lawv yuav siv koj cov ntaub ntawv mus li cas, los sis
- Seb lawv puas yuav khaws nws cia.
Tsuas yog koj nkaus xwb thiaj txiav txim siab tias yuav muab koj daim npav qhia tawm ua li cas thiab nyob rau thaum twg. Koj tus khauj lus zais QR tsis suav nrog koj qhov chaw nyob, tus lej xov tooj, tus lej xaus saus tuav pov hwm (social security) los sis xwm txheej kev nkag teb chaws.
Kuv cov ntaub ntawv qhia paub puas tseem yuav yog kev ntiag tug li qub?
Tau. Koj xaiv seb leej twg uas koj yuav qhia koj tus khauj lus zais QR rau. Txhua tus neeg uas nkag cuag tau rau koj tus khauj lus zais QR yuav tuaj yeem pom koj daim npav hauv tshuab hluav taws xob. Daim npav no tsuas muaj:
- Koj lub npe
- Hnub yug
- Cov hnub tim txhaj tshuaj tiv thaiv kab mob, thiab
- Hom tshuaj tiv thaiv kab mob uas koj tau txais.
Nws tsis suav nrog koj qhov chaw nyob, tus lej xov tooj, tus lej xaus saus tuav pov hwm (social security) los sis xwm txheej kev nkag teb chaws. Nws tsuas yog muaj cov ntaub ntawv qhia paub uas suav nrog hauv koj daim npav qhia txog kev txhaj tshuaj tiv thaiv Tus Kab Mob Khaus Viv-19 (COVID-19). Peb yuav tsis qhia cov ntaub ntawv qhia paub no rau lwm lub chaw ua hauj lwm ntawm tsoom fwv.
Raws li txoj cai, cov ntaub ntawv qhia paub no yuav tsis pub lwm tus paub thiab tsuas yog muab qhia rau cov neeg siv tau txais kev tso cai nkaus xwb.
Cov ntaub ntawv qhia paub nyob rau hauv txoj kev tso npe nkag ntawm daim npav qhia kev txhaj tshuaj tiv thaiv kab mob hauv tshuab hluav taws xob yuav muab siv mus li cas?
Thaum koj tso npe nkag lawm, peb yuav nrhiav cov ntaub ntawv qhia paub kom haum rau uas koj xa tuaj nrog koj daim npav qhia kev txhaj tshuaj tiv thaiv kab mob hauv Xeev Oregon li lab npauv kev txhaj tshuaj tiv thaiv kab mob. Cov ntaub ntawv qhia paub uas koj sau rau ntawd yuav tsis raug khaws cov ntaub ntawv ntawd rau lwm txoj kev siv. Yog tias koj thov kom xa daim ntawv theej ntawm koj daim npav qhia kev txhaj tshuaj tiv thaiv kab mob hauv tshuab hluav taws xob raws kev xa ntawv ces daim npav ntawm qhov kev thov ntawd yuav raug khaws cia txog li ib xyoos.
Xeev Oregon daim npav qhia kev txhaj tshuaj tiv thaiv kab mob hauv tshuab hluav taws xob puas tuav tag nrho kuv cov keeb kwm kev txhaj tshuaj tiv thaiv kab mob yav tag los cia thiab no?
Xeev Oregon daim npav qhia kev txhaj tshuaj tiv thaiv kab mob hauv tshuab hluav taws xob tsuas muaj koj cov kev txhaj tshuaj tiv thaiv Tus Kab Mob Khaus Viv-19 (COVID-19) uas tau txhaj nyob rau hauv Xeev Oregon nkaus xwb.
Cov ntaub ntawv qhia paub twg uas ib tus neeg twg yuav tuaj yeem pom tau thaum lawv theej duab ntawm tus khauj lus zais QR (tus khauj ua hauj lwm ceev)?
Tus khauj lus zais QR yuav khaws:
- Koj lub npe
- Hnub yug
- Cov hnub tim txhaj tshuaj tiv thaiv kab mob, thiab
- Hom tshuaj tiv thaiv kab mob uas koj tau txais.
Thaum koj tso cai rau ib tus neeg twg los theej duab ntawm tus khauj lus zais lawm lawv yuav pom cov ntaub ntawv qhia paub uas teev los saum toj saud.
Cov lus nug txog txoj kev nkag cuag tau rau
Xeev Oregon li lab npauv daim npav qhia kev txhaj tshuaj tiv thaiv kab mob hauv tshuab hluav taws xob puas yuav nkag cuag tau rau cov neeg xiam oob qhab?
Xeev Oregon npauv daim npav qhia kev txhaj tshuaj tiv thaiv kab mob hauv tshuab hluav taws xob raug tawm qauv los txhawm rau kom ncav cuag raws li
cov qauv WCAG 2.1 AA. Cov neeg xiam oob qhab, suav nrog rau cov neeg siv cov thev naus laus zis pab cuam uas tuaj yeem ua tau yooj yim thiab siv tau zoo rau hauv lub chaw.
Yog tias kuv hais ib hom lus uas tsis yog lus As Kiv; kuv puas tseem tuaj yeem nkag cuag tau rau Xeev Oregon daim npav qhia kev txhaj tshuaj tiv thaiv kab mob hauv tshuab hluav taws xob?
Tau. Lab npauv npav qhia kev txhaj tshuaj tiv thaiv kab mob hauv tshuab hluav taws xob yuav hloov kho ua tau ntau cov hom lus uas koj lub blaus xawj (browser) hauv koos pis tawj (computer) siv. Koj tuaj yeem xaiv ib qho ntawm cov nram qab no los ntawm txoj kev teev cov hom lus nyob rau sab saum toj ntawm nplooj ntawv vev xaib:
- Lus As Kiv
- Lus Arabic
- Lus Chuukese
- Lus Hmoob
- Lus Kaus Lim
- Neeg Marshallese
- Lus Portuguese
- Lus Lav Xias
- Lus Suav Tshiab
- Lus Xaus Mav Lim
- Lus Xab Pees Niv
- Lus Suav Qub
- Lus Nyab Laj
Yuav ua li cas yog tias kuv tau teem caij txhaj tshuaj tiv thaiv kab mob ntau zaus heev rau ntau leej neeg yam siv tib tug xov tooj zoo ib yam?
Yog tias koj ua li ntawd thiab kuj tseem yog ib leej niam txiv los sis tus neeg saib xyuas me nyuam, ntau cov kev thov ib zaug ib tug txhawm rau koj tau txais cov link txuas uas cais tawm rau txhua daim npav qhia kev txhaj tshuaj tiv thaiv kab mob hauv tshuab hluav taws xob.
Daim npav qhia kev txhaj tshuaj tiv thaiv kab mob hauv tshuab hluav taws xob puas tuaj yeem tau txais tau yam uas tsis tas muaj xov tooj tshaj lij (smart phone), koos pis tawj (computer), los sis kev nkag cuag tau rau is taws nej (internet)?
Tau. Yog tias koj nkag cuag tsis tau rau xov tooj tshaj lij (smartphone) los sis koos pis tawj (computer), koj kuj tseem yuav tuaj yeem siv lab npauv npav qhia kev txhaj tshuaj tiv thaiv kab mob hauv tshuab hluav taws xob los thov koj cov ntaub ntawv qhia paub. Koj yuav xav tau tus email los sis xov tooj ntawm tes los khaws daim npav no cia. Txawm li cas los xij, thaum nws nthuav tawm koj tuaj yeem luam tawm los sis thov ib daim ntawv theej qauv uas muab xa tuaj rau koj raws kev xa ntawv. Yog tias koj nkag tsis cuag tau rau xov tooj tshaj lij (smartphone) los sis koos pis tawj (computer), koj tuaj yeem hu rau Lub Rooj Saib Pab Cuam Kev Txhaj Tshuaj Tiv Thaiv Kab Mob ntawm Xeev Oregon txhawm rau pab ntawm 800-980-9431.
Cov lus nug txog kev khaws koj daim npav
Kuv yuav tau txais kuv daim npav qhia kev txhaj tshuaj tiv thaiv kab mob hauv tshuab hluav taws xob tau li cas?
Txhawm rau kom tau txais koj daim npav qhia kev txhaj tshuaj tiv thaiv kab mob hauv tshuab hluav taws xob, nkag mus rau nram qab no uas yog nyob rau hauv qhov lab npauv:
- Koj lub npe
- Hnub yug, thiab
- Tus email los sis tus nab npawb xov tooj cuam tshuam txog koj daim npav qhia txog kev txhaj tshuaj tiv thaiv kab mob.
Tom qab ntawd koj yuav tsum tsim ib tug tus zauv kev cim thawj tus kheej (personal identification number, PIN) uas yog plaub tug lej. Yog tias koj cov ntaub ntawv qhia paub sib haum nrog daim npav ntawm lub xeev, ces koj yuav tau txais ib tsab ntawv xov tooj los sis ib tsab email nrog tus link txuas rau koj daim npav qhia hauv tshuab hluav taws xob. Koj yuav tsum nkag mus rau tus zauv PIN uas koj tau tsim ntawd thiaj yuav nkag saib tau nws. Koj tuaj yeem xaiv los khaws nws cia, muab nws xa raws email mus, los sis muab nws luam tawm.
Tsis paub tseeb txog kev yuav sau daim foos nod tau li cas puas yog?
Nias rau qhov ntawm no rau saib qhov vis dis aus qhia ib kauj ruam zuj zus.
Kuv puas tuaj yeem khaws kuv daim npav qhia kev txhaj tshuaj tiv thaiv kab mob hauv tshuab hluav taws xob rau hauv lub xov tooj iPhone tau?
Tau. Koj tuaj yeem khaws koj daim npav hauv tshuab hluav taws xob rau hauv lub ev (app) Apple Health tau yog tias koj siv hom 15 los sis siab dua. Koj kuj tseem tuaj yeem thaij koj daim npav qhia kev txhaj tshuaj tiv thaiv kab mob hauv tshuab hluav taws xob ces thiab muab nws khaws cia rau hauv koj lub xov tooj tau.
Kuv puas tuaj yeem khaws kuv daim npav qhia kev txhaj tshuaj tiv thaiv kab mob hauv tshuab hluav taws xob rau hauv lub xov tooj Andoid tau?
Tau. Koj tuaj yeem khaws koj daim npav qhia hauv tshuab hluav taws xob cia rau Google Play yog tias koj muaj siv Android hom 5 tlos sis siab dua thiab Android hom 21.18. Koj kuj tseem tuaj yeem thaij koj daim npav qhia kev txhaj tshuaj tiv thaiv kab mob hauv tshuab hluav taws xob ces thiab muab nws khaws cia rau hauv koj lub xov tooj tau.
Yog tias kuv tau txais lwm koob tshuaj ntxiv los sis koob tshuaj txhawb ntxiv, nws puas yuav qhia tau rau pom txog cov tshuaj no nyob rau hauv kuv daim npav qhia kev txhaj tshuaj tiv thaiv kab mob hauv tshuab hluav taws xob?
Daim npav qhia kev txhaj tshuaj tiv thaiv Tus Kab Mob Khaus Viv-19 (COVID-19) hauv tshuab hluav taws xob yuav qhia rau pom txog txhua cov koob tshuaj uas koj tau txhaj nyob rau hauv xeev Oregon thaum lub sij hawm uas koj thov daim npav. Yog tias koj tau txais lwm cov koob tshuaj txhaj tiv thaiv tom qab koj muaj tus khauj lus zais QR (tus khauj ua hauj lwm ceev), koj yuav tsum tau hloov kho koj tus khauj lus zais kom tshiab tshaj plaws raws txoj kev thov lwm tus.
Tej zaum nws yuav siv sij hawm peb mus rau xya hnub tom qab koj tau koob tshuaj rau daim npav ntawd txhawm rau kom pom nyob rau hauv qhov lab npauv.
Cov lus nug kev muaj teeb meem
Yuav ua li cas yog tias kuv tso npe nkag thiab kuv daim npav qhia kev txhaj tshuaj tiv thaiv kab mob hauv tshuab hluav taws xob ho tsis pom?
There could be several reasons your card is not found.
- Tsuas yog cov kev txhaj tshuaj tiv thaiv kab mob hauv Xeev Oregon nkaus xwb thiaj yuav pom muaj nyob hauv peb lub lab npauv. Cov koob tshuaj los ntawm lwm lub xeev yuav tsis pom muaj nyob rau hauv Xeev Oregon li lab npauv.
- Cov kev txhaj tshuaj tiv thaiv kab mob los ntawm tsoom fwv cov chaw ua hauj lwm, xws li Lub Thawj Fab Saib Xyuas Hauj Lwm Kev Tiv Thaiv Teb Chaws (Department of Defense) los sis Lub Thawj Fab Saib Xyuas Hauj Lwm Kev Tub Rog (Department of Veterans Affairs) yuav tsis muab suav muaj nyob rau hauv peb li lab npauv. Thov tiv tauj rau cov chaw ua hauj lwm no txhawm rau kom tau txais koj cov npav,
- Koj cov ntaub ntawv qhia paub yuav tsum zoo ib yam li yam uas muaj nyob hauv Xeev Oregon li lab npauv kev txhaj tshuaj tiv thaiv kab mob. Koj daim npav kev txhaj tshuaj tiv thaiv kab mob yuav tsis pom muaj yog tias cov ntaub ntawv qhia paub uas koj sau ntawd tsis zoo ib yam li cov uas muaj nyob hauv lab npauv. Lab npauv kev txhaj tshuaj tiv thaiv kab mob tsis tuaj yeem lees txais cov cim tshwj xeeb. Piv txwv li, lub lab npauv tsis tuaj yeem lees txais cov suab lus los sis cov cim saum hau niam ntawv (umlauts) Yog tias koj lub npe suav nrog cov cim tshwj xeeb ntawd, cia muab nws tshem tawm. Koj tuaj yeem sim thov dua nrog lwm tus email los sis lwm tus xov tooj ntawm tes. Koj kuj tseem tuaj yeem tiv tauj rau koj tus kws kho mob kom paub tseeb tias lawv tau xa koj cov ntaub ntawv qhia paub uas raug yog mus rau Xeev Oregon li lab npauv kev txhaj tshuaj tiv thaiv kab mob lawm.
Yog tias koj daim npav tseem tsis pom tshwm los thiab, ces koj tuaj yeem:
Yuav ua li cas yog kuv daim npav qhia kev txhaj tshuaj tiv thaiv kab mob hauv tshuab hluav taws xob tsis raug?
Koj daim npav kev txhaj tshuaj tiv thaiv kab mob hauv lab npauv yuav tsum tau raug kho los sis hloov kho tshiab. Hu rau Lub Rooj Saib Pab Cuam Kev Txhaj Tshuaj Tiv Thaiv Kab Mob ntawm 800-980-9431 txhawm rau txais txoj kev pab los tshawb xyuas koj daim npav hauv daim ntawv tso npe nkag rau kev txhaj tshuaj tiv thaiv kab mob ntawm Xeev Oregon.
Kuv puas tuaj yeem rov hloov kho kuv tus lej PIN (tus lej kev cim thawj tus kheej) tau?
Tsis tau. Koj muaj sij hawm li 24 teev txij li thaum koj tau txais tus link txuas los nkag rau koj tus lej PIN ntawd thiab nkag mus rau koj daim npav qhia kev txhaj tshuaj tiv thaiv kab mob hauv tshuab hluav taws xob. Qhov link txuas yuav tas sij hawm tom qab 24 teev. Koj tuaj yeem pib dua thiab tsim tus zauv PIN tshiab tau txhua lub sij hawm.
LUS CIM TSEG: Thaum koj nkag tau rau koj daim npav hauv tshuab hluav taws xob thiab muab koj tus khauj lus zais QR khaws tseg, luam, los sis xa raws email lawm, ces koj daim ntawv theej qauv ntawm koj daim npav qhia kev txhaj tshuaj tiv thaiv kab mob hauv tshuab hluav taws xob yuav tsis tag sij hawm.
Vim li cas kuv daim npav qhia kev txhaj tshuaj tiv thaiv kab mob hauv tshuab hluav taws xob ho teev lub chaw txhaj tshuaj txawv dua kuv daim npav qhia kev txhaj tshuaj tiv thaiv kab mob ntawm Lub Chaw Ua Hauj Lwm Txog Kev Tswj Xyuas thiab Kev Tiv Thaiv Kab Mob (Centers for Disease Control and Prevention, CDC)?
Cov neeg uas tau txais lawv cov tshuaj tiv thaiv ntawm cov chaw txhaj tshuaj tiv thaiv kab loj los sis cov xwm txheej hauv zej zos yuav pom lub npe ntawm lub chaw txhaj tshuaj tiv thaiv kab mob uas muab teev nyob rau hauv lawv daim npav qhia kev txhaj tshuaj tiv thaiv kab mob hauv tshuab hluav taws xob. Piv txwv li, Salem Health koom tes nrog Lub Khw Muag Tshuaj Safeway rau ntau qhov chaw txhaj tshuaj tiv thaiv kab mob. Txawm hais tias yuav pom tias sau ua Lub Khw Muag Tshuaj Safeway nyob rau hauv koj Daim Npav Qhia Kev Txhaj Tshuaj Tiv Thaiv Tus Kab Mob Khaus Viv-19 (COVID-19) ntawm Lub Chaw Ua Hauj Lwm Txog Kev Tswj Xyuas thiab Kev Tiv Thaiv Kab Mob (Centers for Disease Control and Prevention, CDC) los xij nyob rau hauv koj daim npav qhia kev txhaj tshuaj tiv thaiv Tus Kab Mob Khaus Viv-19 (COVID-19) hauv tshuab hluav taws xob yuav sau tias Salem Health.
Cov lus nug pab tswv yim
Kuv yuav muab cov lus tawm tswm yim qhia rov qab li cas rau txoj kev thov?
Thov tiv tauj rau peb raws txoj kev sau
daim foos kev tawm tswv yim qhia rov qab ntawm peb tus linked txuas no. Yog tias koj tsis tuaj yeem siv daim foos tau raws koj hom lus uas nyiam thov xa email tuaj rau peb ntawm
COVID.19@dhsoha.state.or.us