Kajitōk ko rekkā
Ta kaat in wā eo am online?
Juon kaat in wā online ej einwōt kaat in wā ilo peba. Kobban melele ko rej einwōt juon. Bōtab, ej kwalok melele in wā ko am einwōt juon kakōlle in QR (kaju walok melele) ilo talebon smartphone eo nejum. Melele eo ej itōk jen kein jerbal in wā eo an Oregon. Ilo ien am kwalok ñan juon armij kakōlle in QR eo am, remaron scan ae. Renaj loe wōt melele ko laajrak:
- Etam
- Raan in lotak
- Raan in wā ko, im
- Kain wā eo kwar bōke.
Kakōlle in QR eo ej kwalok juon kaat eo ej kein kamool jen state eo.
Mennin enaj ke kamool kin jekjekin wā eo aō?
Ej kein kamool kin wā in COVID-19 ko kwar bōki ilo Oregon ilo ien eo kwar kajitōk kaat in wā eo ej bed online. Ebañ laajrak etan wā ko kwar bōki:
- Inabojin Oregon, ak
- Alikin am kajitōke kaat in wā eo online.
Ej juon ian wāween ko reloñ ñan am kwalok emōj am bōk wā in COVID-19 eo am. Kwōjab aikuj bōke juon kaat in wā eo ej bed online. Ejellok an state eo bebe in kōjejjet kūtien juon jikin jerbal kin melele ej mennin aikuj.
Ak ñe ij aikuj kōkkāāl kaat in wā eo aō?
Kaat in wā eo online ej lewaj juon kabe in wā in COVID-19 ko am ilo Oregon ilo online. Ñe emōj an jako kaat in wā eo am ilo peba, kwōmaron print ae kaat eo am online im kōjerbale. Ñe emōj an jako kaat in wā in eo am kwar bōk online, kwōmaron bar kajitōke juon ilo jikin jerbal eo an melele in wā.
Ewi toon an bōk bwe jikin jerbal eo en loe kajitōk eo ñan kaat eo im jilkintok link eo?
Eloñ ien ko kwōj aikuj loe uwaak eo kin email ak text iomwin jet minit. Bōtab, kim ej kajitōk am kōttar 24 awa mokta jen am bar kajeoñ ak kall tōk ñan jibañ. – Emaron wōr rumij ko ekkar ñan joñan armij ro rej kajeoñ in deloñe kein jerbal eo online ilo juon wōt ien.
Emōj aō kajitōke kaat in wā eo aō online bwe ren jilkintōk ilo email ak mael, ñaat eo inaj loe?
Armij ro rej kajitōk juon kabe ilo email rej aikuj loe iomwin 24 awa. Ñe emōj an mootlok 24 awa im kwar jab loe email eo, jouj im lale folder eo ej etal mael ko remaron jokbej mokta jen am kajitōke bar juon.
Ñe kwar kajitōke aer mael ae waj kaat eo am, aikuj tōbare kwe iloan 2-3 wiik.
Ñe kwōnaj woñmaanlok in ioon rumij ko ilo am loe kaat in wā eo online, jouj im kebaak Tebol in Jibañ eo an Burokraam in Wā an Oregon ilo 800-980-9431.
Ta kōmelele ko inaj loe jen jikin jerbal eo an kaat in wā online?
Ilo iem am lelok juon kajitōk kaat in wā eo online, kwōnaj loe juon uwaak ilo talebon eo nejum ak email eo am, (ekkar ñan ta eo kwar lelok) kin melele ko kin wāween am maron bōke kaat in wā eo am online. Ñe kwōnaj lelok juon nomba in talebon mobile, kwōj kōmelim an iwōj juon text juon wōt alen an iwōj im emaron wōr wonnen jen kombani in talebon eo am. Ñe kwōjab kōnaan ebōk enaan ko ilo text jen kim, jab kōjerbal kein jerbal in jibañ in.
Kajitōk ko kin wāween kōjerbal im kōmadmōd melele ko am
Ta eo ej walok ñan melele ko aō alikin aō kwalok ñan ro jet?
Kaat in wā eo am online ej kwalok ejjā melele ko ilo kaat in wā eo am ilo peba. Kwōmaron kajitōk ibben armij ro rej scan ae kakōlle in QR eo:
- Ewi wāween aer naj kōjerbal melele ko am, ak
- Elañe renaj kakwōne.
Innem kwe wōt kwōj kelet wāween im ñaat eo kwōnaj kwalok kaat eo am. Kakōlle in QR eo am ejab koba atorej, nomba in talebon, nomba in social security, ak jekjekin peba in immigration ko am.
Enaj ke woñmaanlok an jab ajeeded melele ko aō?
Aet. Kwōj kelet woñ eo kwōnaj kwalok kakōlle in QR eo am ibben. Jabdewōt armij eo emaron loe kakōlle in QR eo am emaron naj loe kaat eo am online. Kaat in ewōr wōt melele kein:
- Etam
- Raan in lotak
- Raan in wā ko, im
- Kain wā eo kwar bōke.
Ejab koba atorej, nomba in talebon, nomba in social security ak jekjekin peba in immigration ko am. Ewōr wōt melele ko rekoba ilo kaat in wā in COVID-19 eo am ilo peba. Kim bañ kwalok melele in ibben opij ko jet an kien.
Iomwin kakien, melele eo ejab aikuj ajeeded im emaron wōt etal ñan ro remelim aer kōjerbale.
Ewi wāween aer naj kōjerbal peba in kaat in wā eo online?
Ilo ien am kadeloñ etam, kim naj lale melele ko kwar letōk ñan kaat in wā eo am ilo jikin jerbal in wā eo an Oregon. Melele eo kwōnaj kadeloñ ebañ kakwōn ñan kōjerbal kin jabdewōt wāween ko jet. Ñe kwar kajitōke aer mael ae waj kabe in kaat in wā eo am online, kajitōk eo ñan kaat in rej kakwōne ñan yiō eo.
Kaat in wā eo ej online ilo Oregon enaj ke kakwōne aoleben melele ko jet aō jen moktalok?
Kaat in wā eo online an Oregon ewōt wōt wā in COVID-19 ko rar lewaj ilo Oregon.
Ta melele eo juon armij ej loe ilo ien aer scan ae kakōlle in QR (kaju walok melele) eo?
Kakōlle in QR eo ej kakwōne:
- Etam
- Raan in lotak
- Raan in wā ko, im
- Kain wā eo kwar bōke.
Ilo ien am kōmelim an juon armij scan ae kakōlle eo renaj loe melele ko emōj laajrak ijin loñ.
Kajitōk ko kin maron bōke
Armij ro ewōr aer utamwe remaron ke bōke kaat in wā eo online ilo kein jerbal eo an Oregon?
Kaat in wā eo online ilo Oregon emōj kōmmani ñan aer tōbare
joñan aikuj ko ilo WCAG 2.1 AA. Armij ro ewōr aer utamwe, ekoba ro rej kōjerbal kein jibañ ilo kein jerbal kapeel in raan kein emaron bidodo im jejjet aer kōjerbal jikin in.
Ij kenono bar juon kajin oktak jen Kajin Belle, imaron ke wōt bōke kaat in wā eo online an Oregon?
Aet. Jikin jerbal in kaat in wā eo online enaj janiji kajin eo browser in kombuitor eo am ej kōjerbale. Kwōmaron bar kelet jabdewōt melele kin kajin ko laajrak ilo jikin eo ituloñ in web peij eo:
- Kajin Belle
- Kajin Arab
- Kajin Chuuk
- RiHmong
- Kajin Korea
- Kajin Majōl
- Kajin Portugal
- Kajin Russia
- Kajin China Ebidodolok
- Kajin Somalia
- Kajin Spanish
- Kajin China eo jen Etto
- Kajin Vietnam
Ak ñe iar kōmman ien wā ko reloñ ñan eloñ armij kin juon wōt nomba in talebon?
Ñe kwar kōmmane mennin im kwe jinen, jemen ak rikejbarok eo an ajiri eo, kajojo alen in am naj kadeloñ kajitōk ñan am loe link ko rejenolok ñan kajojo kaat in wā online.
Imaron ke bōke kaat in wā eo online ñe ejellok aō talebon smartphone, kombuitor, ak internet?
Aet. Ñe ejellok am talebon smartphone ak kombuitor, kwōmaron wōt kōjerbal jikin jerbal eo an kaat in wā eo am online ñan kajitōke melele eo am. Kwōnaj aikuji juon email ak nomba in talebon cell ñan am loe kaat eo ilo wāween in. Bōtab, ilo ien enaj walok kwōmaron print ae ñe ejab kajitōk aer mael ae waj juon am kabe. Ñe kwōjab maron bōke jen talebon smartphone ak kombuitor, kwōmaron kūrlok Tebol in Jibañ kin Wā an Oregon ilo 800-980-9431.
Kakwōne kajitōk ko kin kaat eo am
Ewi wāween aō bōke kaat in wā eo aō online?
Ñan am bōke kaat in wā eo am online, likūt melele kein iloan jikin jerbal eo:
- Etam
- Raan in lotak, im
- Email ak nomba in talebon cell eo ej koba ibben kaat in wā eo am.
Kwōnaj kiō aikuj kōmmane juon nomba ej kalikar kwe make ewōr emen nomba (PIN). Ñe melele eo am enaj einwōt kaat eo an state, kwōnaj loe juon text ak email kin link eo ñan kaat eo am online. Kwōnaj aikuj kadeloñ PIN eo kwar kōmmane ñan am loe. Innem kwōmaron kelet in kakwōne, email ae, ak print ae.
Kwōjab jelā wāween am kanne peba eo?
Jibed ijin ñan juon bideo ej kwalok kajojo buñten ko.
Imaron ke kakwōne kaat in wā eo aō online ilo juon iPhone?
Aet. Kwōmaron kakwōne kaat in wā eo am online ñan app in Apple Health elańe kwōj kōjerbal mōttan eo ej 15 ak utiejlok. Kwōmaron bar bōk juon pija in kaat in wā eo am online im kakwone ilo talebon eo nejum.
Imaron ke kakwōne kaat in wā eo aō online ilo juon kein jerbal kapeel an raan kein Android?
Aet. Kwōmaron kakwone kaat in wā eo am online ñan Google Play elañe ewōr am mōttan eo ej 21.18 ak utiejlok im Android mōttan 5. Kwōmaron bar bōk juon pija in kaat in wā eo am online im kakwone ilo talebon eo nejum.
Ñe inaj bōke bar juon wā ak wā in kakajur, enaj ke walok ilo kaat in wā eo aō online?
Kaat in wā in COVID-19 online ej kwalok aoleben wā ko emōj am bōki ilo Oregon ilo ien eo kwōj kajitōke kaat eo. Ñe kwar bōke wā ko jet alikin an wōr am kakōlle in QR (kaju walok melele), kwōnaj aikuj kōkāāl kōkalle eo am ilo am bar lelok juon kajitōk.
Emaron bōk lok ñan jilu ñan jilimjuon raan alikin am kar wā ñan an kaat eo walok ilo jikin jerbal eo.
Kajitōk ko kin bukōt jorrāān ak uwaak
Ak ñe inaj kajitōk im rejab maron loe kaat in wā eo aō online?
Emaron loñ wūn ko reloñ kin aer jab loe kaat eo am.
- Wā ko wōt rar lewaj ilo Oregon rebed ilo jikin jerbal eo amim. Wā ko jen state ko jet rejab bed ilo jikin jerbal eo an Oregon.
- Wā ko opij ko opij ko an federal rej lewaj, einwōt jen Department of Defense ak Department of Veterans Affairs rejab bed ilo jikin jerbal eo amim. Jouj im kebaak opij kein ñan am bōke kaat ko am.
- Melele eo am aikuj einwōt melele ko rebed ilo jikin jerbal kin melele in wā eo an Oregon. Kwōmaron jab loe kaat in wā eo am elañe melele eo kwōnaj kadeloñ ejab lukkun einwōt melele eo ilo jikin jerbal eo. Jikin jerbal in wā eo ejab bōke jabdewōt kakōlle ko rej make wōt. Waanjoñok, jikin jerbal eo ejab bōke kakōlle ko rej accent ak umlaut. Ñe ewōr kakōlle ilo etam, jab likūti. Kwōmaron bar lelok kajitōk kin juon email ak nomba in talebon cell oktak. Kwōmaron bar kebaak jikin wā eo am ñan loloorjak rar jilkinlok melele ko am rejimwe ñan jikin jerbal eo an wā an Oregon.
Ñe rejab wōt maron loe kaat eo am, kwōmaron:
Ak ñe ebōd kaat in wā eo aō online?
Kaat in wā eo am ilo kein jerbal eo emaron aikuj kajimwe ak kōkāāl. Kall ae Tebol in Jibañ kin Wā ilo 800-980-9431 ñan am bōk jibañ in bukōt kaat eo am ilo kein jerbal eo an Oregon kin melele in wā.
Imaron ke bar kōmmane PIN eo aō (nomba in kalikar na make)?
Jab. Ewōr 24 awa jen ien eo kwar loe link eo ñan kadeloñ PIN eo am ej emen nomba im loe kaat in wā eo am online. Link eo ebañ jerbal alikin 24 awa. Kwōmaron bar jinoe im kōmmane juon PIN kāāl jabdewōt ien.
KEMEMEJ: Ilo ien am loe kaat in wā eo am online im kakwōne, print, ak email ae kakōlle in QR eo am, kabe in kaat in wā eo am online ebañ jemlok kutien.
Etke kaat in wā eo aō online ej laajrak etan jikin wā eo oktak jen kaat in wā eo aō jen CDC?
Armij ro rar bōke wā ko aer jen jikin wā ko relab ak makūtkūt ko an jukjukinbed renaj loe an laajrak etan jikin eo ear lelok wā eo aer ilo kaat in wā eo aer online. Waanjoñok, Salem Health jerbal ibben Jikin Wūno eo an Safeway ñan eloñ jikin wā ko aer. Jekdoñ Jikin Wūno eo an Safeway emaron jab laajrak etan ilo Kaat in Wā in COVID-19 eo an CDC ilo kaat in wā in COVID-19 eo am online emaron ba Salem Health.
Kajitōk ko kin melele ko rar itōk
Ewi wāween aō lelok lomnak ko aō ilo ablikajon in?
Jouj im kebaak kim ilo am kannepeba eo amim ñan letōk lomnak ko am ilo link in. Ñe kwōjab maron kōjerbal peba eo ilo kajin eo am jouj im email ae tōk kim ilo
COVID.19@dhsoha.state.or.us.