Kapas eis
Met ei opposun eppet kaach won kampiuter?
Ewe opposun eppet kaach won kampiuter mei taitap ngeni ewe kaach ren opposun eppet. Mei taitap masowen won. Nge, e chok awora rekotun omw opposun eppet non ewe QR (quick response) code won noumw smartphone. Porousan e etto seni an Oregon ewe angangen opposun eppet. Ika ke eppi ngeni emon ena QR code, iwe ra tongeni scan-ini. Mwirin, ina repwe tongeni kuna met mei affat fan ei:
- Itomw
- Ranin upwutiw
- Pwinin maram ke oppos, me
- Met sokkun opposun eppet ke angei.
Ena QR code mei pwarata noumw kaach mei wor pochokkunan meren ewe state.
Ei, ai pisekin pwarata ren ewe opposun eppet?
Pisekin pwarata pwe ka angei ewe opposun eppetin COVID-19 non Oregon fansoun ke chuumwong ren ewe opposun eppet kaach won kampiuter. Esapw affata ekkewe opposun eppet ke angei:
- Nukun Oregon, ika
- Mwirin omw chuumwong ren ewe opposun eppet kaach won kampiuter.
Ew me nein ekkewe fite sokkun pisekin pwarata ren porousen omw opposun eppetin COVID-19. Ese pwan menei ow kopwe angei noumw opposun eppet kaach won kampiuter. Ewe state ese pwan ekieki ar repwe fori ennukun aean ar passport system.
Nge ika upwe siwini nei ewe kaach ren opposun eppet?
Ewe opposun eppet kaach won kampiuter mei awora ngonuk ew kapiin omw opposun eppetin COVID-19 non Oregon. Ika kese uwei noumw taropwen opposun eppet, en mei togeni fori kapiin noumw kaach won kampiuter pwe kopwe nounou. Ika e pouttusonuk noumw opposun eppet kaach won kampiuter, en mei tongeni chuumwong sefan ren pwan echo me non ewe system.
Ifa ukuukun tamen ai utiwit ren an ena system epwe atawei ai chuumwong me an epwe tour ngeni ei ewe link?
Napengeni, ina epwe tour ngonuk non email ika text non fitu chok minich. Nge kich mei pwan tingor pwe kopwe utiwit 24 awa me mwen omw kopwe kokko ren chon aninnis. – Mei wor fansoun an epwe mangeno, anongonong won fitemon chon tonong non ewe system non ew chok fansoun.
U chuumwong pwe nei opposun eppet kaach won kampiuter epwe tiitii ngeni ei me non email ika posto, inet epwe tour?
Aramas re chuumwog an epwe tour non email, ina epwe tour ngenir non 24 awa. Ika a nuuno 24 awa nge ese mwo tour ngonuk non email, kose mochen cheki non omw ewe fuuto junk mail me mwen omw kopwe chuumwong sefan.
Ika ke tingor an noumw kaach epwe tiitiiu non posto, ina epwe tour non 2-3 wiik.
Ika mei chiwen mang an epwe tour ngonuk noumw opposun eppet kaach won kampiuter, kose mochen kokkori ewe Chon Aninnis fan iten an Oregon Prokrammin Opposun Eppet won nampa 800-980-9431.
Met sokkun porous epwe tour ngeni ei ren ewe system ren opposun eppet kaach won kampiuter?
Ika ka chuumwong noumw opposun eppet kaach won kampiuter, ina epwe wor epponuwan won noumw fon ika email (anongonong won met ke atouranong) ren porousen omw kopwe ifa ussun ne kuna noumw opposun eppet kaach won kampiuter. Ika en mei makkei noumw nampan fon, en mei awora mwuumwuuta ar repwe text ngonuk fan ew nge meni epwe wor meon ena text seni ewe kompeni ke nounou ena fon seni. Ika kese mochen am aupwe text ngonuk, kosapw aea ei sokkun aninnis.
Kapas eis ika epwe mwonomwon
Epwe no ia porousei ika uwa atouranong?
Porousen non noumw opposun eppet kaach won kampiuter mei taitap ngeni porous mei nomw won ewe kaach taropwe ren opposun eppet. En mei tongeni tingorei chon scan-ini ewe QR code:
- Repwe ifa ussun ne aea porousomw, ika
- Repwe isoni.
Nemeniomw chok ifa ussun me inet kopwe anounou emon porousen non noumw kaach. Omw QR code ese pwan affata omw adress, noumw nampan fon, nampan noumw soson ika porousomw ren imikreisen.
Porousei epwe chiwen mwonomwonono?
Ewer. Nemeniomw ion kopwe anounou omw QR code. Ion e tongeni aea omw QR code, ina repwe kuna noumw ewe kaach won kampiuter. Ei kaach e chok affata:
- Itomw
- Ranin upwutiw
- Pwinin maram ke oppos, me
- Met sokkun opposun eppet ke angei.
Ese pwan affata omw adress, noumw nampan fon, nampan noumw soson ika porousomw ren imikreisen. E chok affata porous mei pwan nomw won noumw taropwen opposun eppetin COVID-19. Ina ausapw pwan anounou ekkewe kafomon agency porousomw.
Ren ennuk, porous mei mwonomwonono epwe chok tongeni pwar ngeni chon atouraong me ion mei wor an mwuumwuuta.
Epwe ifa ussun aean ekkewe porous non ewe opposun eppet kaach won kampiuter?
Ika ka rechister, ina aupwe anonno porousomw ke atouranong ngeni noumw ewe kaach ren opposun eppet non an Oregon ewe opposun eppet system. Porousomw ke atouranong, esapw pwan isoisino ren aean ngeni pwan met. Ika ke chuumwong an epwe tour ngonuk noumw opposun eppet kaach won kampiuter non posto, porousen omw chuumwong ena kaach epwe isois non ukuukun ew ier.
An Oregon opposun eppet kaach won kampiuter epwe pwan pwarano meinisin ekkewe opposun eppet uwa angei?
An Oregon opposun eppet kaach won kampiuter epwe chok awora porousen omw opposun eppetin COVID-19 ke angei me non Oregon.
Met sokkun porous emon epwe kuna ika ra scan-ini ewe QR (quick response) code?
Ina QR code mei isoni:
- Itomw
- Ranin upwutiw
- Pwinin maram ke oppos, me
- Met sokkun opposun eppet ke angei.
Ika ke mwuut ngeni emon repwe scan-ini ewe QR code, ina repwe kuna met mei affat asan ei.
Kapas eis ren touran
An Oregon opposun eppet kaach won kampiuter epwe mecheres ngeni ion mei wor awangapwangen inisir?
An Oregon opposun eppet kaach won kampiuter mei fiti ngeni ewe
WCAG 2.1 AA ourour. Aramas mei wor awangapwangen inisir, pachenong ion mei aea pisekin aninnis ren technology, mei mecheres ar repwe aea ei site.
Use sinei fosun Merika; ngang mei chiwen tongeni angei nei Oregon opposun eppet kaach won kampiuter?
Ewer. Ewe opposun eppet kaach won kampiuter mei tongeni an epwe siiwin ngeni menni kapas noumw ena kampiuter mei nomw won. En mei pwan tongeni fini menni kapasen fonu ke mochen aea me won ewe menu asen ena peich:
- Fosun Merika
- Fosun Arab
- Fosun Chuuk
- Fosun Hmong
- Fosun Korea
- Fosun Marshall
- Fosun Portuguese
- Fosun Russia
- Fosun China
- Fosun Somalia
- Fosun Spain
- Fosun China
- Fosun Vietnam
Nge ika pwe u wiisen fori an aramas apoinmen ren ar opposun eppet won chok ew nampan fon?
Ika pwe ke ina nge en emon iin ika saam ika chon tumwun, makkenong ew me ew chuumwong pwe epwe sokkono ekkewe link ren ew me ew ekkewe opposun eppet kaach won kampiuter.
Ngang mei tongeni angei nei opposun eppet kaach won kampiuter ika ese wor nei smart fon, kampiuter, ika ai internet?
Ewer. Ika ese wor noumw smart fon ika kampiuter, en mei tongeni aea ewe system ren opposun eppet kaach won kampiuter omw kopwe chuumwong porousomw. Mei auchea epwe wor omw email ika nampan fon an epwe tour ngonuk noumw kaach. Nge, ika a pichita, kopwe fori kapiin ika chuumwong pwe ew kapiin epwe tour ngonuk non posto. Ika kese tufichin aea ew fon ika kampiuter, en mei tongeni kokkori ekkewe Chon Aninnis ren ewe Oregon Opposun Eppet won nampa 800-980-9431.
Kapas eis ren isoisin noumw kaach
Upwe ifa ussun ne angei nei opposun eppet kaach won kampiuter?
Ren touren noumw opposun eppet kaach won kampiuter, makkenong ponuwen ekkei tetten fan ei won ewe system:
- Itomw
- Ranin upwutiw, me
- Omw email ika nampan fon ke aea ngeni ewe opposun eppet kaach.
Mwirin, ka fori omw pin nampa, epwe ruwanu mesen nampa (PIN). Ika pwe porousomw mei taitap ngeni an state kaach, ina epwe tour ngonuk non text ika email ew link ngeni noumw opposun eppet kaach won kampiuter. Makkei omw ewe PIN ke fori omw kopwe kuna ena rekot. Me ikena, ka tongeni finata ika kopwe isoni, email-ini, ika fori kapiin.
Kese ffat ika ifa ussun omw kopwe ammasowa ewe taropwe?
Tiki ikei ren echo fitio ren ifa ussun.
Ngang mei tongeni isoni nei opposun eppet kaach won kampiuter non nei iPhone?
Ewer. En mei tongeni isoni noumw kaach won kampiuter won ewe Apple Health app ika ke nounou version 15 me nap seni. En mei pwan tongeni screenshot noumw ena opposun eppet kaach won kampiuter iwe ka isoni won noumw fon.
Ngang mei tongeni isoni nei opposun eppet kaach won kampiuter non nei en Android?
Ewer. En mei tongeni isoni noumw kaach won kampiuter won Google Play ika mei wor noumw version 21.18 ika nap seni, ika Android version 5. En mei pwan tongeni screenshot noumw ena opposun eppet kaach won kampiuter iwe ka isoni won noumw fon.
Ika uwa angei pwan ew sopwosopwun oppos ika ewe apochokkunen oppos, epwe pwan pwano won nei opposun eppet kaach won kampiuter?
Omw opposun eppetin COVID-19 kaach won kampiuter epwe pwarano meinisin ekkewe oppos ke angei non Oregon fansoun ewe ke chuumwong noumw ewe kaach. Ika ke angei pwan ew oppos mwirin omw ka angei ewe QR (quick response) code, mei auchea kopwe chuumwong sefan siwinin omw code.
Mei tongeni tori unungat ika fisu ran mwirin omw angei ew oppos an ewe kaach epwe pwano won ewe system.
Kapas eis ren osukosukan
Nge ika u chuumwong nge nei opposun eppet kaach won kampiuter ese nomw?
Mei chommong popwun ese wor chon kuna noumw kaach.
- Ekkewe opposun eppet ke angei non Oregon mei nomw non am system. Ekkewe oppos ke angei non pwan ew state esapw pwano non an Oregon system.
- Ekkewe opposun eppet e kawor meren an federal agency, awewe ren Department of Defense ika ewe Department of Veterans Affairs ese pwan pachenong non am system. Kose mochen kokkori ekkena agency fan iten noumw kaach.
- Mei auchea porousomw epwe taitap ngeni met mei mmak non an Oregon system ren opposun eppet. Ina esapw pwano noumw opposun eppet kaach ika porouomw ese taitap ngeni met mei mmak non ewe system. Ewe system ren opposun eppet ese etiwa ekkewe esisinnen non mmak. Awewe, ewe system ese etiwa ekkewe accent ika umlauts. Ika itomw mei wor esisinnen non mmak won, kosapw pwan makkenong. En mei tongeni sossot ne chuumwong sefan nge aea pwan ew email ika nampan fon. En mei pwan tongeni kokkori noumw tokter ika pwe mei pwung porousomw re atouranong ngeni an Oregon ewe system ren opposun eppet.
Ika pwe ese pwan nomw noumw kaach, en mei tongeni:
Nge ika porousen won nei opposun eppet kaach won kampiuter ese pwung?
Mei auchea repwe epwungu ika siwini masowen non noumw ena opposun eppet kaach non ewe system. Kokkori ekkewe Chon Aninnis ren Opposun Eppet won nampa 800-980-9431 pwe repwe kutta noumw kaach non an Oregon ewe system ren opposun eppet.
Ngang mei tongeni siwini ai PIN (nei we pin nampa u fori)?
Apw. Epwe tori 24 awa seni fansoun an tour ngonuk ewe link omw kopwe tikienong omw ewe PIN me katon noumw ewe opposun eppet kaach won kampiuter. Epwe expaer ena link mwirin 24 awa. En mei tongeni popwuta sefan me fori ew minafo PIN fansoun ke mochen.
Mei namwot: Ika ka kuna noumw ewe kaach won kampiuter fengen me ka isoni, fori kapiin ika email-ini omw ewe QR code, noumw kapiin opposun eppet kaach won kampiuter ina esapw expire.
Pota nei en opposun eppet kaach won kampiuter mei mmak iten emon tokter won nge ese taitap ngeni iten ewe won nei en kaach meren chon CDC?
Aramas re angei ar opposun eppet non ekkewe neni mei chommong chon no ngeni ika non ekkewe nenien kawor non community ina repwe kuna pwe iten ewe chon fori angangen ewe opposun eppet ese taitap ngeni met mei mmak won nour opposun eppet kaach won kampiuter. Ren awewe, Salem Health e chiechi ngeni Safeway Pharmacy non chommong nenien kaworen opposun eppet. Ika mwo Safeway Pharmacy e mmak won noumw ewe CDC Opposun Eppetin COVID-19 Kaach, won noumw ewe opposun eppetin COVID-19 kaach won kampiuter, ina epwe mmak Salem Health.
Kapas eis me memmef
Upwe ifa ussun ne atouranong mefiei ren ei apinikeisen?
Kose mochen esinesin ngeni kem, kopwe
ammasowa ewe taropwen atouren memmef won ei link. Ika kese tongeni aea ewe taropwe non fosun fonuwomw, kose mochen email-ini kich won
COVID.19@dhsoha.state.or.us.